KORONADAL CITY – Indi suno pa malayo ukon posible nga may yara sang mga pulis nga ginakabig nga “ninja cops” sa iban pa nga rehiyon sa Pilipinas ilabi na sa Mindanao.
Ini ang nangin pagpati ni Anecito Rasalan, Executive Secretary ni Cotabato City Mayor Cynthia Guiani-Sayadi sa interbyu sang Bombo Radyo Koronadal.
Suno kay Rasalan, posible nga nagakatabo man sa Rehiyon 12 ang pagrecycle sang mga pulis sa mga narekober nga druga sa nagkalain-lain nga drug operations sa SOCKSARGEN.
Kaangot sini, dapat nga imbestigaran indi lamang ang NCR PNP ukon Pampanga PNP, kundi mangin man ang PNP sa nagkalain-lain nga lugar sa pungsod agud nga masekyar nga wala sang pulis nga nagahimo sang iligalidad.
Ang paglimpyo suno pa sa tanan nga PNP ang mangin sabat agud nga indi pagbasulon sang masunod nga henerasyon ang kasamtangan nga administrasyon bangud ginpabay-an ang kasubong nga iligalidad.
