KORONADAL CITY – Naglab-ot sa nilibo ka mga bebe/pato ang ginpaidalom sa “culling” ukon ginlubong sang City veterinarian office sang Tacurong bangud sa pamahog sa paglapta pa sang Avian Influenza ukon bird flu sa mga lugar nga malapit sa duha ka mga barangay nga napagkit ang nasambit nga balatian sa sapat.
Ini ang ginpahayag ni Mr. Allan Freno, City Information Officer sang Tacurong City sa interbyu sang Bombo Radyo Koronadal.
Suno sa iya, ang paglubong sa mga sapat ang pinakamaayo nga paagi agud nga malikawan nga maglapta pa ang nasambit nga virus kag balatian sa mga sapat sa kaiping nga lugar.
Kaangot sini, nagpatigayon man sang quarantine kag monitoring ang mga katapu sang City Veterinary sa mga lugar nga yara sa sulod sang 1 kilometer radius nga malapit sa mga barangay nga may napagkit nga mga nagpositibo sa bird flu.
Ginadumilian man ang pag biyahe sang mga manok kag pato ukon bebe paguwa kag pasulod man sa siyudad sang Tacurong City.
Kadungan sini, ginpasalig man sang Tacurong City LGU ang paghatag sang subsidiya ukon ayuda sa mga poulty farm nga apektado sa nasambit nga lugar ilabi na ang mga ginpaidalom sa culling process.
Maliban pa rito, magkakaroon rin ng sampling sa mga itik na malapit sa isang duck farm na infected ng Bird Flu.
Ipinasiguro naman ni Freno na under control parin ng pamahalaan ang sitwasyon sa kabila ng mga pangyayari.
