Gin depensahan ni lead defense counsel Nicholas Kaufman, si dati nga Prisedente Rodrigo Duterte sa mga kaso nga nagalakip sang mga pagpatay sa tunga sang “armed confrontations” sa kampanya kontra iligal nga droga.
Suno kay Kaufman nga ang pulisya nagpatigayon sang operasyon bilang pagbaton sa delikado nga mga panghitabo sa ila kabuhi, suno sa rules of engagement nga madamo na ka beses na ginpahayag sang dati nga pangulo sa ila.
Suno naman sa sa defense lawyer, may yara sang existing contemporaneous documents pareho sang arrest warrants, operational records, kag narekober nga mga armas nga nagapakita nga lehitimo ang mga operasyon sang kapulisan nga nagresulta sa baslanay sang lupok bilang pamatood.
Gindugang niya nga ang mga narekober nga armas sa natabo ng akrimen nagapakita nga gin gamit ini batok sa pulis, nga nagresulta sa paggamit sang pwersa ukon pagbalos.
Gin-emphasize man niya nga awtorisado ang mga operasyon base sa mga gin isyu nga search warrant halin sa korte.
Dugang pa kay Nicholas Kaufman nga indi mapamatud-an sang Prosekusyon nga “planted” ang mga droga kag armas sa mga biktima, gani ginadumilian nila ang mga ebidensya halin sa crime scene kag kulang sang ebidensya.
