NIA ginkumpirma nga liwat magabaligya sang BMM rice

Ginkumpirma sang National Irrigation Administration nga liwat ini magabaligya sang P29 per kilo nga Bagong Bayaning Magsasaka rice.

Base sa ginhimo nga anunsyo sang NIA, pagahimuon ang pagbaligya sang barato nga bugas subong nga adlaw sang byernes, Disyembre 20 2024.

Maga-umpisa suno pa ang pagbaligya sang nasambit nga nga bugas sa aga tubtob sang udto sa Central Office sang ahensya.

Magalab-ot sa 1,500 nga sako sang bugas ang bastante sang ahensya para sa isa ka adlaw nga pagbaligya sini sa barato nga kantidad.

Gintagaan sang prayoridad ang mga Senior Citizen, Solo Parents, PWDs kag 4Ps beneficiaries nga may mapakit-an nga nagaka-angay nga ID.