KORONADAL CITY – Mismo ang mga pumuluyo na sang New Zealand ang nagaapela sa ila gobyerno nga palawigon pa ang ginapatuman nga lockdown sa nasambit nga pungsod.
Ini ang ginpakigbahin ni Joel Padilla Brinosa, isa ka OFW sa New Zealand sa ekslusibo nga interbyu sang Bombo Radyo Koronadal.
Suno kay Brinosa, ini bangud nagakabalaka sa gihapon ang mga tawo nga posible sila nga malatnan labi na sa mga importante nga mga establishmyento kasubong sang mga mall kag supermarket kun magabakal sila sang ila mga panginahanglanon.
Dugang pa sini, ginhimo ang nasambit nga panawagan kayPrime Minister Jacinda Ardern agud mapabilin ang manubo nga kaso sang covid-19 sa pungsod.
Nahibaloan nga nagdugay ang ginapatuman nga lockdown sa sulod sang isa ka bulan kag sa adlaw sang Lunes mahibaloan ang desisyon kun pagakakason na ini ukon palawigon pa.
