KORONADAL CITY – Talalupangdon sa subong ang pagbun-ag sang mga iloy sang siyam ka ginakabig “New Year babies” sa South Cotabato Provincial Hospital.
Ini ang base sa nakuha nga impormasyon sang Bombo Radyo Koronadal kadungan sang pagsug-alaw sang tuig 2020, ang tuig sang mga ilaga.
Ang OB ward mismo sa nasambit nga balay bululngan ang nagkumpirmar nga siyam ang mga lapsag nga nabun-ag sang ila mga iloy kadungan sang pagsulod sang bag-ong tuig.
Naglab-ot sa lima ang mga lalaki (baby boy) samtang apat naman ang mga babaye (baby girl).
Wala pa mahibaluan kun makabaton man sang benipisyo ukon pahalipay ang nasambit nga mga ginakabig “New Year babies”.
Bag-o nga kalipay kag paglaum naman ang dala sang nasambit nga mga lapsag sa pagsulod sang tuig 2020.
