KORONADAL CITY – Dako ang pagpati sang Moro Islamic Liberation Front (MILF) nga ang negotiated political solution kasubong sang Bangsamoro Basic Law (BBL) ang pinakaepektibo nga solusyon sa nagakatabo nga kinagamo sa Mindanao kasubong sang Marawi Siege.
Ginpahayag sa Bombo Radyo Koronadal ni MILF Vice Chairman for Political Affairs Ghazali Jaafar nga kinahanglan nga mapatuman ini agud nga malikawan ang pagluntad sang giyera.
Nagalaum man si Jaafar nga sa subong nga adlaw matapos na ang interpellation sang mga senador sa BBL.
Kangot sini, nagaapela ang MILF sa Kamara kag Senado nga maghiliusa sa pag-aprubar sang indi watered down bersyon sang BBL.
Ginapanguyatan sa gihapon sang ila nga bahin ang promisa ni Pangulong Rodrigo Duterte nga mapasar ang BBL antes ang SONA sini.
