KORONADAL CITY- Nagpaguwa sang statement si atty. Noel Ben Director, NDMU Marist Hope Center for Justice and Good Governance kaangut sa ginpaguwa nga desisyon sang Court of Appeals nga nagasiling valid ang Envi Code sang probinsiya apang gin-modefy ang Sec.22 No. 04 series of 2010 sang Ordinance sa pag-ban sang Open Pit Mining sa South Cotabato kag ginsiling valid lang ini para sa mga small scale Mining kag hindi applicable sa Large scale mining.
Suno kay Atty. Ben, isa ka makasubo nga balita ini para sa mga taga-South Cotabato.
Apang, ginsiling sini nga dapat obligahon sang mga pumuluyo ang provincial government nga ihayag kung san-o nila nabaton ang desisyon kag ano ang ginhimu nila nga tikang sa legal battle nga ini.
Naga panawagan man si Atty. Ben sa mga South Cotabateños nga padayun nga mangin vigilante sa isyu nga ini agod maatipan ang probinsiya.
