KORONADAL CITY – Kasamtangan na nga nagapatigayon sang contact tracing ang National Commission of Muslim Filipino (NCMF) Region 12 para sa 21 nga mga Filipino Muslims nga ginapatihan nga nagpositibo sa coronavirus disease makaligad magtambong sa isa ka religious event sa Malaysia.
Ini makaligad nakabaton sang impormasyon ang nasambit nga talatapan halin sa Malaysian Health Ministry nga duha sa 19 ka mga Filipino Muslims ang nagpauli diri sa Mindanao kun sa diin nagpositibo ang mga ini sa virus makaligad ginpaidalom sa medikasyon.
Nahibaloan nga isa diri ang napatay sa Marawi City samtang naka-confine ang isa pa sa Cotabato City.
Yara sa 215 ka mga Filipino Muslims ang nagtambong sa “Tabligh” (Islamic preachers) gathering humalin sang Pebrero 27 tubtob Marso 1 sa Jamek Sri Petaling Mosque sa Kuala Lumpur.
Base sa latest update sang Bangsamoro Autonomous Region in Muslim Mindanao’s Inter-Agency Task Force on COVID-19 (BARMM-IATF), ginakabig na nga persons under monitoring ang 196 sa mga ini makaligad nakilal-an sila halin sa ila passport numbers.
