May obligasyon ang NBI nga ibalik sa korte ang gin-issue nga warrant nga ginlakipan sang hingyo nga i-turn over na ang kustodiya sang suspek sa BJMP Koronadal.
Ini ang nangin pahayag ni Atty. Moises B. Tamayo, Acting Regional Director sang NBI XII, may kaangtanan sa pag-aresto sa isa ka empleyado sang COA XII bangud sang kaso nga qualified human trafficking.
Suno kay Tamayo, naka-eksperyensya sang pagsaka sang blood pressure ang biktima sa tion sang pag-aresto sa iya, gani gindala ini sa ospital.
Ginpahayag man ni Tamayo nga magahingyo ang ila talatapan sa korte kun sa diin ginpasaka ang kaso agud i-turn over ang kustodiya sang suspek sa BJMP Koronadal.
Dugang pa niya, nagapangatubang ang suspek sa apat ka kaso nga ginpasaka batok sa iya sang biktima, kag wala sang ginrekomendar nga pyansa.
Bangud sini, nagpanawagan si Tamayo sa publiko, ilabi na sa mga nangin biktima sang suspek, nga magpadulong gilayon sa ila talatapan agud mapasakaan sang nagakaigo nga kaso ang nasambit nga empleyado.
