Natalana nga ipresentar sang House Prosecution panel ang mga opisyal sang National Bureau of Investigation (NBI) kag House of Representatives bilang mga testigo sa impeachment trial ni Vice President Sara Duterte nga magasugod sa Lunes, Hulyo 6.
Base sa ginpasaka nga manifestation sang prosecution, lakip sa mga una nga testigo nga ipresentar amo sanday NBI Regional Director Atty. Jeremy Lotoc, NBI Senior Agent John Mark Calilung, kag Legislative Security Bureau Executive Director Capt. Belinda Bello sang Office of the Sergeant-at-Arms.
Ang tatlo ginlista bilang mga testigo para sa ikaapat nga Articles of Impeachment nga nagapaelegar kay Vice President Duterte sang culpable violation of the Constitution, high crimes, kag betrayal of public trust may kaangtanan sa ginapatihan nga pagpamahog sa kabuhi ni Pangulong Ferdinand Marcos Jr., First Lady Liza Araneta-Marcos, kag anay House Speaker Martin Romualdez.
Ginapaabot nga himuon ang presentasyon sang mga testigo sang prosecution halin Hulyo 6 tubtob Hulyo 8.
