Natalana na nga i-finalize sang National Bureau of Investigation (NBI) ang imbestigasyon kay Vice President Sara Duterte matapos ang paandam sini sa kabuhi ni Presidente Ferdinand Marcosd Jr.
Ginpahayag ni NBI Director Jaime Santiago nga mahimo ipadala na nila sa Department of Justice ang imbestigasyon sa Enero 15.
Tanan nga mga ebidensya kag testimoniya nga ila uyat ang ila gin-usisa sang maid-id sa diin ginmandoan niya ang mga miembro sini nga mas mangin maid-id pa.
Halin sang Enero 2, gin-umpisahan na nila ang pagtuon sang mga ebidensiya kag testimonya.
Aminado si Santiago nga nangin mahinalungon sila bangud maka-apekto ini sa sitwasyon sang pulitika sa pungsod.
Madumduman sang Noviembre, ginpaandaman ni Duterte ang presidente kalakip sanday firs lady Lisa Marcos kag Speaker Martin Romualdez.
