KORONADAL CITY- Pabaskugon pa sang North Atlantic Treaty Organization (NATO) ang ila depensa batok sa pagpang-atake sang Russia sa Ukraine.
Suno kay Bombo International Correspondent Ramil Isogon sa United Kingdom sainterview sang Bombo Radyo Koronadal, magapadala ang UK sang dugang nga 6,000 ka missiles nga igatugyan sa Ukrainian forces bilang dugang sa 4,000 NLAWs kag Javeline nga nauna na napadala nga bulig sa Ukraine.
Nagpa-in man sang dugang nga £25 million ukon masobra sa P1 billion bilang financial support sa Ukrainian military.
Nauna na nga naghatag ang UK sang £400 million ukon masobara sa P27 billion nga financial support sa Ukraine.
Samtang, ginkabig naman sang NATO nga isa ka dako nga sala ang lihok ni Russian President Vladimir Putin nga pagsakop sa Ukraine.
Sa subong, apektado na ang ekonomiya sang Russia kag nagnubo man ang value sang Russian Rubles.
Suno kay Isogon, ginalantaw man nga magkulang sa military equipments ang Russia bangud indi na sini sarang nga mag-import sang mga armas halin sa iban nga pungsod.
Dugang pa niya, base sa press briefing ni UK Prime Minister Boris Johnson, ginpahayag sini nga ginahandaan na sang NATO ang ila depensa ukon mangin akto sa posible pagbuya sang mass destruction– chemical, biological ukon nuclear weapon sang Russia.
