Gintigayon sa subong nga adlaw, Pebrero 24, 2025 ang isa ka aktibidad sa nationwide simultaneous destruction sang mga smuggled cigarettes sang opisina sang Bureau of Internal Revenue nga ngakumpiskar sang mga otoridad humalin sa tuig 2023 sa South Cotabato Health Care Waste Treatment.
Ini ang ginkumpirmar ni Christine Juliet R. Chua, CPA, Regional Director BIR XII sa interveiw sang Bombo Radyo Koronadal.
Suno kay Chua, naglab-ot sa 50, 516 nga kontrabando nga sigarilyo nga nagabalor sang P2, 020, 640 ang nakumpiskar sang mga otoridad hindi lang sa South Cotabato lakip man sa Gensan, Kidapawan kag Tacurong.
Ginasulod sa Eco-Friendly Ultra High Temperature ang mga nakumpiskar nga ginadilian nga produkto kag ginasunog.
Dugang pa niya, tanan nga makumpiskaran sang smuggled cigarettes magaatubang sang nagakaangay nga kaso kag pati man magbayad sang mga penalty.
