KORONADAL CITY-Nagbisita si National Commission on Indigenous People (NCIP) Commissioner for South Central Mindanao Bae Jennifer “Limpayen” Sibuglas kaupod man sang NCIP Region kag 10 ka mga IP Leaders sa Sitio Ebenezer, Brgy. Rang-ay, Banga, South Cotabato sa panimalay nanday Jemiles Dasan kag Roberto Lapastura, mga biktima nga nagkalamatay sa operasyon sang RID 12, RSOG 12, SCPIU, 1st SCPMFC kag Banga MPS sa diin target sang mga ini ang 2 sa mga ginapangita nga mga individual nga may standing warrant of arrest sa otoridad.
.Nagpadulong ang National Commission on Indigenous People (NCIP) sa lugar sang ila nga mga ka tribo para ipakita ang simpatiya sang mga ini sa mga inosente nga mga biktima kag gina-alegar nga nagbato sa mga otoridad kabangdanan nga napatay sang raiding team.
Upod naman nga nagpanindugan ang IP Leaders kag ang NCIP nga isa ka sala ukon palpak nga operasyon ang nagluntad kag planted lamang nga mga ebidensya nga nakuha sang mga biktima.
Sa subong, naga hulag na ang mga IP Leaders , NCIP, CHR-12 kag NBI para sa ikaresolbar sang kaso kag mapanabat ang mga responsable.
