Nalubong na si National Artist Nora Aunor sa Libingan ng mga Bayani Eksakto alas-12:00 sang udto subong nga adlaw matapos ang ginpatigayon ang state funeral para sa ginakabig nga “Superstar” sang Philippine cinema.
Siya nagtaliwan sang Abril 16, 2025 sa edad nga 71.
Bilang isa ka Pambansang Alagad ng Sining, ginpasidunggan siya sang state funeral nga ginhiwat sa Metropolitan Theater sa Manila antes siya gindala sa iya nga katapusan nga palamungtangan.
Madamo nga mga tagahanga ang nagtambong sa necrological services agud maghatag pasidungog sa iya wala sing kapantay nga kontribusyon sa sining kag pelikula.
Samtang Sanday Lotlot kag Ian de Leon naghatag sang emosyonal nga tribute sa ila iloy, nga ginkilala bilang isa kasanag saila kabuhi.
Ang iya mga pelikula pareho sang “Himala” kag “Bona” ginbalik-pasalida bilang kabahin sang pagdumdom sa iya nga pamana sa industriya.
Ang iya kamatayon nagbilin sang mabaskog nga kasubo sa industriya sang pelikula, apang ang iya ‘sining’ magapadayon nga buhi sa tagipusuon sang iya mga tagahanga.
