KORONADAL CITY- Narekober ang mga kagamitan sang ginapatihan nga mga armado nga grupo sang New People’s Army sa bahin sang Makilala, North Cotabato.
Ini makaligad ang ginpatigayon nga operasyon sang kapulisan sa mga yara sa likod sang pagpang harassed sa isa ka driver sang truck sa nasambit nga lugar.
Madumduman nga nagpatigayon sang operasyon ang Makilala PNP kaupod ang 39th Infantry Battalion Phil Army batuk sa Lawless Armed Group kun sa diin ginkumpirmar sasng 10ID nga grupo sang NPA sa idalum sang Guerilla Front 51 sang Southern Mindanao Regional Committee ang may kahimuan sang bayolente nga kalakasan matapos ang pagtsekyar sang mga otoridad sa ginluntaran sang insidente.
Kalakip sa mga natukiban nga kagamitan kag armas sang NPA amuh ang matag-as nga kalibre sang armas luthang mga 3 ka improvised explosive devices , 15 ka backpacks , 2 ka handheld radios medical supplies kag isa ka sulat nga pirmado sang isa ka Ricardo Fermiza nga ginapatihan nga spokesman sang Guerilla 51 sang Davao del Sur kag North Cotabato.
Luwas sina, isa man ka bangkay ang narekober nga ginkilala kay Rojit Estampa Ranara, 33 anyos nga myembro sang NPA.
Sa subong yara na sa talatapan sang Provincial Crime Laboratory sa syudad sang Kidapawan ang mga narekober nga kagamitan nga igapaidalum pa sa imbestigasyon.
