KORONADAL CITY- Nabungkag sang Philippine Drug Enforcement Agency (PDEA-12) ang ginasiling nga narco terror cell sa Brgy. Kanalo, Maasim Sarangani Province kun sa diin 2 ka dalagko nga personalidad nga konektado sa local terror group nga Anzhar Al-Khalifa Philippines ang gin-arestar sa implementasyon sang search warrants operation.
Sa operasyon sang gin-isa nga pwersa sang PDEA-12 sa pagpanguna ni Director Gil Cesario Castro kag AFP Joint Task Force Gensa sa pagpamuno ni Col. Adonis Bajao kag Maasim MPS, narekober ang 40 gramo sang shabu nga nagabalor sang tunga sa milyon ka pesos, mga eksplosibo, live ammunitions kag mga drug paraphernalia.
Ang mga naarestar naman amuh sanday Faroon Lumatao Honjeras, 35 anyos may asawa, negosyante kag ang utod sini nga si Alhotaibby Lumatao Honjeras alyas Al 36 anyos may asawa kun sa diin nahibaluan nga ang mga ini man ang mga protektor sang El Patron Group nga naga operate sa South Central Mindanao.
Sa subong yara sa kustodiya na sang PDEA 12 ang mga suspek ang natalana nga pasakaan sang kaso nga paglapas sa RA 9165 o Possession of illegal drugs kag RA 9516 o Illega Possession of ammunitions and explosives.
