Narco-Politician nga yara sa green book ni Maasim Sarangani Mayor Lopez, ikakibot suno sa PDEA 12 Director

KORONADAL CITY– Dapat lamang suno pa nga tutukan kag bantayan ang pagbulgar sang Philippine Drug Enforcement Agency (PDEA 12) sa mga pangalan nga yara sa green book sang narco-politician nga si Maasim, Sarangani Mayor Aniceto Lopez Jr.

Suno kay PDEA 12 Director Gil Cesario Castro, interesante ang mga pangalan nga yara sa green book sang alkalde kag sigurado nga madamo ang makibot bangud ini ang ginalakipan sang mga alkalde, gobernador kag iban pa nga matag-as nga opisyal kag kilala nga mga negosyante.

Kaangot sini, ang nasambit nga mga pangalan sa green book sang naaresto nga narco-politician ang mangin target naman suno pa sang madason nga mga operasyon sang PDEA 12.