KORONADAL CITY – Aminado ang 6ID PA nga magluwas sa most wanted nga persona ,isa man ka High Value Target nga may patong sa ulo ni Salahuddin Hassan alyas Orak, overall Amir sang Daulah Islamiya – Philippines kag asawa sini nga si Jehana Minbida, nga naga tindog nga Finance Officer sang Daulah Islamiya.
Ini ang nagin pahayag ni Lt.Col. John Paul Baldomar,tagpamaba sang 6th ID Philippine Army sa eksklusibo nga interview sang bombo Radyo Koronadal.
Suno sa opisyal, madugay na nga may dako nga padya ang makaudlo sa iya kag iya ginakahamtangan.
Sa pagkamatoud, ara sa P 1.3 Million Pesos ang patong sa ulo sini bangud sa series sang pagpanghalit nga ginakaulamiran sini nga gina nalikpan sang pagpamomba sa Central Mindanao , 2014 Maramag Bukidnon Rural Transit bus bombing nga ginkapay sang 11 ka indibidwal; Davao Night Market bombing sang 2016 nga nag-utas sa 14 sibilyan kag Isulan twin bombing sang 2018 nga nagpatay naman sang 5 indibidwal kag ginkapilas sang masobra 40 ka sibilyan.
Preparado naman ang ila nga linyada sa posibilidad nga mag retaliate ang mga nabilin nga miyembro sang grupo makaligad ang pagkapatay sa ila nga Amir.
Nagapati ang linyada sang 6 Infantry Division ,Philippine Army nga magahina na ang kapaibilidad sang mga katapo sang Daulah Islamiyah kadungan man sang pagkapatay ni Hassan kag asawa.
Naga amat-amat naman suno pa nga naga luntad ang leadership vaccuum sa grupo kag posible nga wala pa sang manindog katal-os sang nagtaliwan nga lider sang grupo.
