KORONADAL CITY – Nagsaka na sa apat ang napatay nga Person Under Investigation (PUI) sa Region 12 samtang isa naman ang kumpirmado nga kaso sang coronavirus infectious disease ukon COVID-19.
Ini ang ginkumpirmar ni DOH-12 Health Education and Promotion Officer Arjhon Gangoso sa interbyu sang Bombo Radyo Koronadal.
Suno kay Gangoso, sa apat nga napatay, isa pa lamang ang napagkit nga nag-negatibo sa test samtang tatlo ay may pending results.
Sa bug-os nga Socksargen Region, nagsaka na sa 96 ang PUI kun diin 23 sa mga ini ang naka-confine sa nagkalain-lain nga hospital.
Dugang pa ni Gangoso, yara sa 3,614 sa gihapon ang Person Under Monitoring gikan sa nagkalain-lain nga probinsiya.
Ang una nga kaso sang napatay nga PUI ang isa ka 87-anyos nga lalaki gkan sa Sultan Kudarat bangud sa acute respiratory failure.
Ang ikaduha nga kaso naman ang isa ka 51-anyos gikan sa South Cotabato nga napatay bangud sa acute respiratory failure secondary to severe community acquired pneumonia kun diin nag-negatibo ini sa Covid-19.
Samtang, isa ka 37-anyos nga PUI naman gikan sa North Cotabato, nga wala sang history of travel sa iban nga pungsod ukon iban nga lugar nga ginakabig nga CoviD-19 hit areas sa pungsod ang nadugang sa mga PUI nga napatay bangud sa acute respiratory failure kag pneumonia apang nakapending pa ang laboratory test sini.
Ang ikaapat nga nadugang sa mga PUI nga napatay ang isa pa ka 74-anyos gikan sa South Cotabato nga ginbawian sang kabuhi bangud sa acute respiratory distress syndrome nga wala man sang foreign travel history kag nakapending ang laboratory test.
