KORONADAL CITY – Ginaawhag sang South Cotabato PNP ang mga pumuluyo sa South Cotabato nga indi na magpati sa anuman nga promisa nga pagahimoon sang mga investment scam.
Ginhimo ni Provincial Director PCol. Jemuel Siason ang nasambit nga panawagan makaligad ang pagkidnap sa manager sang KAPA-Alabel nga si Remely Iral kag nasapwan nga pilason bangud sa mga buno sa isa ka pineapple plantation sa Brgy. Kablon, Tupi, South Cotabato.
Suno kay Siason, nagaguwa man sa ila imbestigasyon nga sang Enero 22, ginpromisahan suno pa ni Iral ang isa ka investor nga igabalik ang kwarta sini sa bahin sang General Santos City, apang nagluntad ang pagpangluthang kun sa diin napatay ang driver sini nga si Bresnev Morada kag ginkidnap si Iral sang mga suspek.
Dugang sang opisyal, isa lamang suno pa ka delaying tactic ang ginahimo nga mga promisa sang mga opisyales sang sini nga scheme.
Gani laygay sini sa mga pumuluyo nga indi na magpati sa ila mga promisa nga indi matuman, kag gilayon nga magsang-at sang kaso.
