KORONADAL CITY – Ginpalab-ot na sa barangay ang reklamo sang gintiro-patay nga baka nga nakasulod sa Paraiso Gulf Course matapos nga makabuhi.
Sa interbyu sang Bombo Radyo Koronadal kay Kapitan Samuel Velarde sang Barangay Paraiso, siyudad sang Koronadal, nagdangop sa barangay si Arnel Fiel, nagapanag-iya sang baka nga gintiro suno pa ang hinuptan sini sang isa ka Jerry Sabudan nga presidente sang Paraiso Golf Course.
Gilayon naman nga gitawag ni Kapitan Velarde ag atensyon ni Jerry kag gin-ako sini ang ginhimo kun diin nagpabutyag pa ini nga desidido siya nga atubangon ang reklamo batuk sa iya kag preperdao man siya nga bayaran ang nasambit nga baka.
Sa karon, isa lamang ang ginhimo sini nga rason kun ngaa gintiro ang baka bangud suno pa nga nakasulod ini sa Golf Course.
Sang naglabay nga inadlaw, may yara man sang natiruhan nga baka bangud nakabuhi gihapon sa nasambit nga Golf course.
Kaangot sini, ginphayag sang opisyal nga ginrason man ni Sabudan nga ginahalungan ang Golf bangud sa palaabuton nga tournament.
Nagpanawagan na lang ang opisyal sa tanan nga may hinuptan nga baka nga bantayan gid ini agud nga indi na makahatag sang damage/s sa mga lugar nga gina panami.
Magahimo man sang tikang ang barangay council agud indi na masulit pa ang amo nga hitabo.
Samtang, nag-settle naman suno pa ang tag-iya sang baka kag ang nagtiro sini matapos magpangayo sang pasensiya ang suspek.
