KORONADAL CITY – Nagpahayag sang pagkadismaya ang isa ka amasona nga anay katapu sang NPA nga nagbalik na sa sabak sang gobyerno apang gin-arestar pa sang kapulisan.
Suno kay Rosana Fernando alyas Ka Rosa, residente sang Sitio Bugso Senator Ninoy Aquino, Sultan Kudarat kag suno pa anay medic officer sang Front 73 My phone platoon wala na ini sang kaangtanan sa anuman nga rebelde ilabi na sa nagluntad nga engkwentro sa Ned Lake Sebu kag hugot man ini nga nagpanindugan nga madugay na ini nga nagbag-o sang pangabuhi.
Kaangot sini, nagpangayo ini sang bulig sa gobyerno particular kay Pangulong Rodrigo Duterte nga indi na kuntani ma-usar sang NPA sa ila nga mga tinutuyo bangud sila lamang nga mga lumad ang makalulu-oy sa ulihi.
Mahibaluan nga sang April 24, 2015 sang magsulod bilang medic officer si Ka Rosa kag sang bulan sang Disyembre 2015 sang nagdesisyon ini nga bayaan na ang grupo.
Ginpahayag man sini nga naghinulsol sya sa iya nangin desisyon kag nagpalab-ot man sang mensahe sa mga Lumad nga indi na magsulod pa sa rebelde nga grupo.
