KORONADAL CITY- Nangin kasubong nga Christmas Party ang ginpatigayon nga Regional Peace and Order Council meeting sa syudad sang Koronadal makaligad mahatagan sang appliances kag dalagkuan nga cash incentives ang yara sa 50 ka mga nagsungka nga myembro sang komunista nga New People’s Army halin sa probinsya sang North Cotabato, Sultan Kudarat kag South Cotabato.
Ginpangunahan ini ni Regional Peace and Order Council 12 chairman Sultan Kudarat Gov. Pax Mangudadatu kun sa diin kadunan sang pagpresentar sa halos 50 ka mga rebelde ginhatagan ang mga ini sang gilayon nga bulig kag mga regalo kabaylo sang pagbalik nila sa gobyerno.
Kalakip sa nga nabaton sang mga anay rebelde amuh ang mga flat screen television, ref, rice cooker, electric fan kag may yara man sang cash incentives kasubong sang P7,000 sa sulod sang 3 ka bulan, tig P15,000 nga livelihood assistance kag P50,000- P90,000 kada armas luthang nga ila ginsungka.
Emosyonal naman ang pila sa mga rebel returnees bangud nagtuod ang handom nila nga makaangkon sang palangabuhian nga una na nga ginpromisa sa ila sang rebelde nga grupo apang ang gobyerno lang gali ang makahatag.
