Base sa datos sang Department of Education (DepEd) nagsaka ang bilang sang mga estudyante nga apektado halin sa paglupok sang bulkan Kanlaon.
Suno sa DepEd, may ara na sang 49,577 estudyante halin sa 88 bulutu-an sa Negros Islands ang apektado.
Suno pa sa ahensiya, ang mga ini ang nagpaidalom sa alternative delivery modes (ADM) sang pagtudlo kung sa diin 31,935 nga estudyante ang gindala sa School Divisions sang Negros Occidental samtang 17,642 estudyante ang ginpa-idalom sa La Carlota City SDO.
Ang alternative delivery modes ang isa ka pamaagi sa paghatag sang edukasyon sa mga estudyante nga indi maka-access sa tradition schooling.
Suno sa DepEd, kinanglan nga ipadayon sa giyapon ang pag-iskwela sang mga kabataan sa piyak sang pagbakwit sa ila halin sa ila puluy-an padul-ong sa mga evacuation center.
