Nagpalagyo na padulong sa pungsod Russia ang ginsipa nga Syrian leader nga si Bashar Assad.
Ini ang nagin pahayag ni Danilo Casallo- Bombo International Correspondent to Russia sa interview sang Bombo Radyo Koronadal.
Suno sa iya, matapos maka abanse sa Damascus sang mga rebelde, gilayon nagpadulong sa kaalyado sini nga pungsod Russia si Assad.
Ang amo nga hitabo ang nagpukan sa 50 ka tuig nga pag ginahum ni Assad kag sang iya pamilya sa Syria.
Gilayon naman naggwa sa kalye ang mga Syrians kag ginsaulog ang pagkapukan sang rehimen sang anay lider.
Sa pihak nga bahin, gingarantiya naman sang mga rebelde nga indi pagtandugon sang mga ini ang base militar sang Russia kag mga diplomatic posts sa Syria apisar sa Moscow nagpalagyo si Assad kag ang pamilya sini.
Ginpahayag man sini nga luwas man sila sa subong sa Russia kag wala man masyado sang epekto bangud kontrolado sang Russia ang tanan nga lugar sa nasambit nga pungsod
