Nagreklamo ang isa ka concerned citizen angot sa basura sa Chinatown nga nagabukas kada Sabado, kag ini ang ginakabalak-an sang mga pumuluyo kag lokal nga opisyal.
Suno kay Kapitan Dani Delos Santos sang Barangay GPS sa interbyu sang bombo radyo koronadal, may yara sang nagakaigo nga mga penalidad para sa mga nagalapas sa ordinansa sang basura.
Apang, may nakatala nga iskedyul ang task force nga naga-back up kag naga-collect sang basura kada aga sang Lunes.
Ginpahibalo man niya ang mga tag-iya sang tindahan nga tipunon sang insakto ang ila basura kag ibutang sa designated area malapit sa Chinatown
Ginpaathag niya nga ang mga indi nagasegregate sang basura kag nagapadayon sa pagsunog sini ang may kaukulan nga multa, suno sa kasuguan sang syudad.
Gindugang pa niya nga indi pagakuhaon sang garbage truck ang basura kung indi ini na-segregate.
Dugang pa, gin-ako sang kapitan nga isa sa mga rason sa problema amo ang kakulang sang garbage truck, nga rason man kun ngaa nagapabilin ang pila ka basura sa nasambit nga lugar.
Sa pihak sini, padayon nga nagaobra sang tikang ang lokal nga panguluhan agud masolusyunan ini nga isyu kag mapaayo ang sistema sang pagkuha sang basura sa syudad
