KORONADAL CITY– Gina-imbestigaran na sang mga otoridad kun sin-o ang nagapanag-iya sang nagkalain-lain nga sahi sang bomba nga nakotkot sang militar sa bahin sang Sitio Lampuco, Barangay Lamba, Banga, South Cotabato.
Suno kay Lt. Col Benjamin Leander, ang commanding officer sang 27th Infantry Batallion, Philippine Army nga isa ka impormasyon ang nabaton sang mga ini angot sa nasambit nga mga bomba nga ginlubong sa duta.
Gilayon naman nga ginpatigayon ang operasyon kag diri nakuha ang lima ka improvised clamour mine, tatlo ka balde sang Improvised Explosive Device okun IED kag battery.
Gilayon naman ini nga ginturn over sa South Cotabato Explosive Ordnance Division para sa imbestigasyon.
Suno naman sa mga otoridad ang nasambit nga mga bomba angn masami ginausar bilang pampasigabong kag masarangan sini nga gub-on ang mga taytay rason nga dako ang pasalamat sang mga residente nga gilayon ini nga narekober.
Sa subong blangko pa ang mga otoridad kun sin-oa ang nagapanag-iya sang mga bomba.
