KORONADAL CITY– Kadungan sang todos los santos subong nga adlaw, nagsaysay sang makatindig balahibo nga eksperyensya ang isa ka security guard sa isa ka warehouse sa syudad sang Koronadal.
Ini matapos nga kada papalapit suno pa ang undas, daw kasubong nga ginahungod sang nagkalain laian nga makaharadlok nga elemento ang ila nga pagpabatyag sa lugar.
Suno sa wala na ginhingadlan nga sekyu, halos 20 ka tuig na nga security guard sa warehouse, madamo na ini sang nangin eksperyensya kag matalupangdan ilabi na kun papalapit ang undas nga mas nagalala ang pagpabatyag sang mga ini.
Pila na lamang diri ang pagyogyog sang ila gate, nga sang una ginapatihan sini nga hangin lamang apang ginkulbaan na sang nagakusog ang pagyogyog diri.
Iya na lamang suno pa ginsinggitan nga kun indi mag untat iya ini tiruhon rason nga ginkakibot nga nag untat ini dayon.
Magluwas diri, kun alas 12 sang tunga sa gab e talulupangdon man ang puti nga aso nga kasubong nga may nagalutaw nga puti nga tawo apang ila na lamang ginabalewala.
Sang nagligad lamang antes nga mag undas, liwat naman sila nga nakakita sang isa ka tawo nga kasubong nga puno sang langis ang lawas nga gintawag sini nga grasa man nga nagabato pa.
Nakakita man suno pa ini sang dako nga tawo nga mapula ang mata kag tuman kadako nga usa apang kasubong nga naandan na lamang suno pa nila ang ini nga panghitabo sa warehosue rason nga mas ginpakamaayo nga pabay-an na lamang kag indi magpadala sa kahadlok.
