Wala na nag hulat sang panawagan sa mga nga mag bakwit ang mga residente sang Brgy. Puti, Norala, South Cotabato, sila na mismo ang nagbalakwit bangod delikado nagid ang ila nga sitwasyon ini ang nagin pahayag ni Punong Barangay Randy Gardosa, sang Brgy. Puti, Norala, South Cotabato.
Suno kay Gardosa, madamo na serye sang pagkatiphag sang duta sa ila amo nag balakwit ang mga residente, una na sila gindul-ongan sang family food packs kag ayuda sang gobyerno pinaagi sa MDRRMO kag gin sundan man ini sang PDRRMO nga ginpangunahan ni Rolly Doanne Aquino.
Sa karon nagahingyo sila nga kuntani may magdonar pangadlaw-adlaw nga pangkunsumo, kalakip na ang drum nga masudlan sang tubig, solar lights, utensils, kag bulong.
Madumduman nga nga nangin apektado ang Brgy. Puti, Norala, South Cotabato sa pagpanalasa sang kalain sang paniempo kabangdanan nga nagpatigayon ang mga otoridad sang pre-emptive evacuation sa mga pamilya kag mga residente nga ginabulubanta nga yara sa mga delikado nga lugar nga sa kasamtangan nga yara ang mga bakwit sa evacuation centers agud nga madali nga mahatagan sang bulig sa tion nga mag-abot ang mga ini sa evacuation centers.
Nahatagan naman sang pauna nga bulig suno pa sa alkalde ang mga mga residente nga naga tiner sa evacuation centers.
