KORONADAL CITY – Hugot nga nagpahanumdom ang kapulisan sa probinsiya sang South Cotabato sa mga nagapaguwa sang indi matuod nga impormasyon angot sa COVID-19 ilabi na yadtong nagatuga sang kabalaka sa mga pumuluyo.
Suno kay South Cotabato PNP Provincial Director Pol.Col. Jemuel Siason, dapat mangin mahalong ang sin-u-man sa pagpaguwa sang impormasyon agud indi makaangkon sang mis-interpretation sa mga pumuluyo ilabi na sa mga ginapang-post sa social media.
Magapadayon suno pa ang monitoring sang mga otoridad sa tagsa ka checkpoint nga kabahin man sang precautionary measures sandig sa protocol sang executive order sang provincial government sang South Cotabato.
Dugang pa nga magapadayon ang ila nga estrikto nga implementasyon agud nga masundan ang pagsulod sang mga pumuluyo kag mangin padayon nga Covid-free ang lokalidad.
Maya yara man suno pa sang mga kosiderasyon ilabi na sa pila ka mga delivery trucks nga nagadala sang mga basic goods sandig sa pagsulundan sa quarantine.
