Nagapadayon sa subong ang imbestigasyon sang mga otoriadad sa nagluntad ang pagpanghaboy sang granada sa isa ka checkpoint sang mga sundalo sang 4th Mobile Platoon sang 2nd Provincial Mobile Force Company sa Pagalungan, Maguindanao del Sur ang nangin pahayag ni LtCol. Roden Orbon- Tigpamaba sang 6ID Philippine Army sa interview snag Bombo Radyo Koronadal.
Masuwerte naman nga wala sang nagkala-igo kag nagkalapilasan sa nasambit nga panghitabo apang na igo naman sang shrapnel ang isa ka salakyan nga nakapark sa atubangan sang checkpoint.
Base naman sang impormasyon, may naglupok nga armasluthang makaligad ang pagpanghaboy sang granada.
Luwas naman ang checkpoint kag ang detachment sang gin-inspeksyon ini makaligad nga may mga reports nga may ara pa sang granada nga wala nag lupok.
Madasig naman nga nagpalagyo ang mga suspek sa direksyon padulong sa Poblacion Pagalungan.
Naga padayo naman ang imbestigasyon sang mga otoridad sang mga identity sang mga suspek kag mga grupo sang mga ini lakip naman ang motibo sa likod sang nasambit nga panghitabo.
