KORONADAL CITY-Patay ang isa ka motorista matapos ini nga nagbunggo sa nakaparada nga forward truck sa Gensan Drive Koronadal City pasado alas 4 lamang subong nga aga.
Nahibaluan nga ang salakyan ang ginapanag-iyahan ni South Cotabato Board Member Romulo Solivio nga may yara sang plate number nga AAR 2006.
Sa interbyu sang Bombo Radyo Koronadal sa driver sang truck nga si Junrell Paquibot, nagakarera suno pa ang isa ka RS motor kag raider kag ginkakibot sini sang gulpi nga ginbunguuan ang nalikod nga bahin sang truck.
Gindugang pa sini nga halin sila sa banwa sang Surallah kag magapadulong kuntani sa Gensan agud nga magdeliver sang bugas sang makadali nga nagpondo sa Gensan Drive agud nga magbakal lamang sang tubig nga balunon sang mga ini sa biyahe.
Sa pagresponde sang mga otoridad nakilal-an ang driver sang raider nga nakabunggo sa salakyan nga si alyas kaloy nga gilayon man gindeklarar nga patay na makaligad nga nawasak ang ulo sini sa kakusog sang impak.
Suno sa mga nakakita madasig ang dalagan sang duha ka motorsiklo kag nagakarera sang gulpi nga nabungguan ang nakaparada nga forward truck.
