KORONADAL CITY- Ginpasalamatan sang isa ka nagadala nga miyembro sang terorista nga grupo ang tropa sang 37th Infantry (Conquer Battalion kag mga pulis may kaangtanan insakto nga pagtrato sa iya.
Si alyas Dayang ang nadakpan kag gin aresto sang tropa sa Sitio Biao, Barangay Napnapon, Palimbang, Sultan Kudarat.
Sa interbyu sang Bombo Radyo Koronadal kay Capt. Elvis Dela Cruz, tagpamababa sang 603rd Mechanized Brigade, Phil Army, ginpahayag sini nga si Alyas Dayang ang gindakop pinaagi sa isa ka Warrant of Arrest sa kasong Attempted Murder na may Criminal Case Number 20-5937.
Suno pa sa opisyal, ginbilin siya sang iya nga mga kaupdanan nga Communist Terrorist Group bangud nagadala ini kag ini ang nangin tunaan lamang nga indi sila gilayon nga makapalagyo sa iban nga mga lugar.
Pinaagi sa isa ka joint Law Enforcement Support Operation sang 37th Infantry (Conqueror) Battalion, Palimbang MPS, Kalamansig MPS kag 2nd SKPMFC, nadakpan ang nasambit nga buntis nga kung sa diin siya ang logistic officer sang komunista nga grupo samtang nagatago sa isa ka delikado nga lugar.
Bangud sa iya nga kahimtangan, gilayon naman nga ginhatagan sang nagakaigo nga medikal nga atensyon sa pinakalapit nga medical facility sang gobyerno pinaagi sa Militaru ambulance ang nasambit nga terorista.
Nagpasalamat naman ini sa mga opisyal kag otoridad bangud sa pagsalbar sa iya kag sa iya nga bata.
Sa karon, padayon naman ang pagpanawagan sang opisyal nga kung mahimo magbalik na sa sabak sang gobyerno ang mga terorista nga sa subong pabalhin balhin sang ila nga lugar agud nga makapalagyo lamang sa gobyerno.
