May nadiskubrehan nga aktibo nga faultline diri sa siyudad sang Koronadal rason nga kinahanglan mangin preparado sa tanan nga tion ang mga Koronadaleno.
Suno kay City Disaster Risk Reduction and Management Officer (CDRRMO) Cyrus Urbano sa interview sang Bombo Radyo ang active faultline ang nakita sa Barangay Saravia padulong sa Assumption, Mambucal, Paraiso kag posible nga magab-ot pa sa banwa sang Tantangan.
Apang, kinahanglan pa ini nga checkyaron kag e-verify sang nagakaigo nga ahensiya sang gobyerno kasubong sang Phivolcs kag Mines and Geosciences Bureau.
Samtang, kumpiyansa naman si Urbano nga preparado ang mga pumuluyo sang siyudad sa tion nga magtay-og ang linog bangud sa mandatory nga pagpatigayon sang quarterly nga Eartquake Drill sang mga Local Government Units kag mangin ang Department of Education.
Kun madumduman sang tuig 2019 nga nakaeksperiensya sanga asod-asod nga linog ang siyudad sang Koronadal apang wala naman sang mga major damages nga napakigt.
Panawagan na lamang sini sa tanan nga himuon nga “way of life” ang pagpartisipar sa Earthquake Drill, agud mangin luwas sa anuman nga kapahamakan.
