KORONADAL CITY – Naglab-ot na sa 110 ka mga indibidwal ang nadakpan sang kapulisan nga nagbayolar sa ginapatuman nga curfew diri sa siyudad sang Koronadal.
Iini ang ginpahayag ni Koronadal Police Community Affairs Development Lt. Joenary Castanares sa eksklusibo nga interbyu sang Bombo Radyo Koronadal.
Suno kay Lt. Castanares, ang nasambit nga numero ang nadakpan nagikan sadtong Marso 21 tubtob kahapon, Marso 27.
Suno kay Castañares, kadam-an sa mga nagbayolar sa curfew nga ginapatuman sang alas 7 sa gab-i tubtob alas 5 sa aga amo yadtong mga nagabakal suno pa sang sigarilyo, may mga kadtoan ukon may mga gincontact lamang.
Wala man nakaluwas ang mga motorista bangud ginahatagan sang ticket ang mga ini.
Sa ulihi, nagapanawagan man ang nasambit nga opisyal sang suporta halin sa mga pumuluyo kag magtuman sa mga protocol bilang isa sa mga preventive measure agud malikawan ang pagdata sang ginakahadlokan nga virus diri sa siyudad.
