KORONADAL CITY- Narekober sang mga kasuldaduhan sang 34th Infantry (Reliable) Battalion sa Barangay TugaL, Midsayap, Cotabato ang tatlo ka mga nagakalain-lain nga sahi sang RPG nga nabilin sang mga nag irinaway nga grupo bangud naman sa rido.
Ini ang ginkumpirma ni Lieutenant Colonel Rey Rico, 34IB Commanding Officer sa interbyu sang Bombo Radyo Koronadal.
Suno pa s aopisyal, samtang nagahiwat sang security assisstance ang mga tropa para sa mga staff sang Ministry of Social Services and Development sang BARRM ang may isa ka sibilyan ang naghatag sang impormasyon may kaangtanan sa tatlo ka mga bala sang RPG.
Gilayon naman nga ginkordon ang lugar kag nagpatawag sila sang EOD team para sa recovery kag disposition sang narekober ang eksplosibo.
Gindugang pa sini nga gilayon man nga naghiwat sang Validation, Identification kag Assessment ang mga katapo sang MSSD BARMM Midsayap Cluster sa mga nagkalaguba nga mga balay bangud sa Armed Conflict sa Barangay Tugal, Midsayap, Special Geographic Area ng BARMM.
Bangud suno pa sa kinagamo sang duha ka paksyon, nasaksihan sang mga katapo sang MSSD BARMM ang sitwasyon sang mga residente sa Sitio Mapayag, Sitio Labo kag Sitio Basa nga tuman nga naapektuhan bangud naman sa kinagamo.
Sa bulig naman sang mga Social Worker sang Midsaypa Cluster nahiwat sang insakto ang nasambit nga aktibidad.
Sa karon padayon nila nga ginahimo ang tanan nila nga ikasarang para naman sa peace and order sa ila nga nasakupan.
