Cited in contempt kag ginapaaresto ang asawa ni anay presidential spokesperson Harry Roque nga si Mylah Roque bangud sa kapaslawan sini nga magtambong sa hearing sang quad committee sang Kamara.
Nahibaluan nga makapila na ginpatawag ang mag-asawa nga Roque angut sa nagapadayon nga imbestigasyon sa ilegal nga operasyon sang Philippine Offshore Gaming Operators (POGOs) sa pungsod, kun sa diin gina akusar nga may kaangtanan diri ang anay opisyal.
Suno kay Roque sa mga nauna sini nga pahayag, ang imbestigasyon sang Kamara ang may katuyuan lamang nga samaron ang pamilya Duterte kag ini bilang aktibo nga kaalyado sang amo nga pamilya.
Nagapati man ini nga wala sang labot ang iya pribado nga kabuhi sa isyu angut sa POGO kag ginalapas sang mga ini ang iya right to privacy kag ginasamad ang iya pamilya.
