-- ADVERTISEMENT --
Gin-umpisahan na sang Myanmar ang isa ka semana nga national mourning ukon pagluluksa matapos ang mabaskog nga linog nga nagpatay sang kapin sa 2,000 ka tawo.
Ang bandila sang pungsod ginpatung sa half-mast halin Marso 31 tubtob Abril 6 bilang tanda sang respeto kag pakig-isa sa mga pamilya sang mga napatay.
Ang linog nga may magnitude 7.7 nagtuga sang kalawigon nga pagkaguba sa mga balay kag imprastruktura, nga nagbilin sang madamo nga pilasan kag mga pamilya nga nadulaan sang ila puluy-an.
Ang mga awtoridad sa Myanmar padayon nga nagahimo sang search-and-rescue operations agud masalbar ang mga natabunan nga biktima kag maghatag bulig sa mga nagakinahanglan sang pagkaon, tubig, kag bulong.
