-- ADVERTISEMENT --
Yara na sa kustodiya sang kapulisan sa President Roxas ang isa ka motornapper matapos nga madakpan sang 1203rd MC kag RMFB 12 sa ginpatigayon nga hot pursuit operation sa Purok 1-A Poblacion, President Roxas, Cotabato
Ginkilala ang suspek nga si alyas Pot-pot, 25 anyos, may asawa, jobless, kag residente sang Barangay Kayaga, Kabacan, Cotabato.
Suno sa kapulisan, nagreport ang isa ka Erlie Judilla, residente sang Purok 2, Brgy. Del Carmen, President Roxas, Cotabato nga ginkawat ang motorsiklo sini gani gilayon nga nagpatigayon nga koordinasyon ang kapulisan sa mga naga-checkpoint kag detachment agud mapunggan ang suspek nga makapalagyo.
Nadakpan man gilayon ang motornapper sang mga operatiba kun diin magluwas sa motorsiklo narekober man sa iya ang duha ka sachet sang shabu kag isa ka fragmentation hand grenade.
Natalana naman nga pasakaan sang nagakigo nga kaso ang nadakpan nga motornapper.
