Motorista pilason sa warning shot sang guwardiya sa hana nga pagpangawat sa DPWH Region 12

KORONADAL CITY – Yara na sa kustodiya subong sang mga otoridad ang isa ka lalaki matapos nga hana nga magpangawat sa talatapan sang Department of Public works and Highways Region 12.

Ginkilala ang suspek nga si Jefferson Barcebal, yara sa legal nga edad, estudyante kag residente sang Barangay San Isidro, Koronadal City.

Suno sa kapulisan, nakita sang mga security guard on duty ang 3 ka suspek nga nagsaka sa pader sang DPWH rason nga pagpasok sang mga suspek, gilayon nga nagpalupok sang warning shot ang mga ini.

Gilayon man nga nagpalagyo ang mga suspek apang nadakpan ang isa sa mga ini.

Samtang, naigo naman ang isa ka motorista sa warning shot sang security guard nga gilayon gindala sa South Cotabato Provincial Hospital.