-- ADVERTISEMENT --
KORONADAL CITY – Ginabulong na sa South Cotabato Provincial Hospital ang isa ka motorista matapos nga maaksidente pasado alas-10 kaina sang aga sa atubangan sang Villa Amor Hotel diri sa siyudad sang Koronadal.
Matapos nga makabaton sang report, gilayon nga nagresponder ang Koronadal City Fire Station sa pagpanguna ni CInsp Eddie Tanawan agud nga mabuligan ang biktima.
Naabtan sang rescue team ang isa ka lalaki nga pilason samtang nagahigha sa dalanon.
Gilayon naman nga gindala sang mga ini sa hospital ang biktima.
Nag-imbestigar naman ang City traffic section sa kun ano ang gintunaan sang aksidente.
