Ginapadalman pa sang Federal Bureau of Investigation ang imbestigasyon sa kun ano ang matuod-tuod nga motibo sang sniper nga naghana magpatay kay anay US President Donald Trump sa Pennsylvania .
Ang suspek ginkilala kay Thomas Matthew Crooks, 20 anyos, taga-Bethel Park, Pennsylvania,.
Siya isa ka nursing-home employee nga nagatrabaho bilang dietary aide kag nagapreparar sang pagkaon.
Naggradwar si Crooks sa Bethel Park High School sang 2022.
Suno sa isa sa iya mga schoolmate nga si Jason Kohler, ginasakit si Crooks sang high school kag masami nga nagakaon sa isa lang. Ginamit man niya ang hunting outfit.
Base sa inisyal nga imbistigasyon sang US Secret Service, si Crooks rehistrado nga Republican kag ginatuo nga isa lang siya sang nagpalupok.
Pareho man nga nakita sang mga saksi si Crooks sing makaduha kag gin-ulat ang iya mga suspetsos nga ginhimo sa pulis.
Suno sa Butler Police, may mga report man sila tuhoy sa ‘suspicious activity’ nga ila gin-respondan, lakip na ang ulat tuhoy kay Crooks.
Ginapati nga naggamit si Crooks sang AR-style rifle sa iya pagpalupok.
