KORONADAL CITY– Patay ang isa ka miyembro sang South Cotabato Provincial Security Unit makaligad ginluthang sang ginapatihan nga riding-in-tandem suspects sa Gensan Drive Koronadal City.
Ginkilala ang biktima nga si Robert Corneta, 41 anyos, single, residente sang Prk. Bagong Sikat, Brgy. GPS, Koronadal City.
Nahibaluan nga padulong sa South Cotabato Provincial Capitol ang biktima sang ginluthang ini sang maka anom ka bes sang mga suspek usar ang kalibre 45 nga armas luthang.
Naigo sa ulo ang biktima nga nangin tunaan sang iya gilayon nga kamatayon.
Sa subong padayon pa nga ginahibalo ang motibo sa krimen kun sa diin pila sa mga anggulo nga ginatutukan ang may kaangtanan sa iya trabaho mangin man ang posibilidad sang personal grudge.
Nahibaluan nga anay naman nga nangin jail guard sang South Cotabato Provincial Rehabilitation and Detention Facility si Corneta nga ginrelieve antes nangin PSU member.
