KORONADAL CITY – Padayon ang hot pursuit operation sang Lake Sebu PNP batok sa mga kaupdanan sang most wanted suspect sa South Cotabato makaligad mapatay ini sang mga otoridad.
Ginkilala ang napatay nga suspek nga si Tirso Andres, 44 anyos may asawa, kag may kaso nga murder kag cattle rustling.
Nagguwa sa imbestigasyon nga pagaarestuhon kuntani ang suspek sa bahin sang Sitio Salaubon, Barangay Lamfugon sang nagpakita si Andres dala ang M14 rifle rason nga gin-unahan na siya sang civilian agent.
GIlayon naman nga nagpalagyo ang mga upod sang suspek makaligad nabatian ang lupok sang armas.
Apang sa pagpatigayon sang clearing operation, natukiban sang mga otoridad nga wala na ang armas sini, gani ginapatihan nga gindala ini sang iya mga kaupdanan samtang nagapalagyo sila.
