KORONADAL CITY – Naaresto sa ginpatigayon nga manhunt charlie operation sang kapulisan sa Glamang, Polomolok, South Cotabato, ang isa ka most wanted nga may kaso nga murder, Huwebes sang hapon,Agosto 22, 2024.
Ginkilala sang Polomolok PNP ang nadakpan nga suspek nga si alyas “Buroy”, 39 anyos, soltero kag residente sang Sitio Luhib, Brgy. Monkayo, T’boli, South Cotabato.
Sandig sa report sang Polomolok Municipal Police Station naaresto ang suspek base sa warrant of arrest nga gin-isyu sang Presideng Judge sang Regional Trial Court, Branch 48, Alabel, Sarangani Province para sa kaso nga murder nga wala sang ginrekomendar nga pyansa.
Padayon man nga nagapahanumdom ang kapulisan sa katawhan nga magsunod sa laye kag indi maghimo sang malain agud mangin malayo sa kapahamakan.
