-- ADVERTISEMENT --
KORONADAL CITY -Arestado ang isa ka most wanted person nga may kaso nga statutory rape matapos nga ginserbe sang kapulisan ang warrant of arrest sa Purok Leganes, Brgy Zone 1, Koronadal City.
Ginkilala ni Police Lieutenant Colonel Hoover Antonio, hepe sang Koronadal City Police Station ang suspek nga si alyas “Jeryl” 21-anyos, sultero, wala sang trabaho kag residente sang Prk 1, Brgy Telafas, Columbio, Sultan Kudarat.
Suno kay PLtCol Antonio, nagapangatubang sa kaso nga statutory rape nga wala sang ginrekomendar nga piyansa.
Samtang, nagpromisa naman ang kapulisan nga padayon nga siguruhon ang kaluwasan sang mga pumuluyo sa siyudad.
