Most wanted person sa kaso nga frustrated murder arestado sa banwa sang Surallah, SoCot

Yara na sa kustodiya sang mga otoridad ang isa ka Most Wanted Person sa kaso nga Frustrated Murder matapos nga maaresto sang mga tinawo sang Surallah Municipal Police Station sa Manzano Subdivision, Zone 3, Brgy Libertad, Surallah, South Cotabato.

Ginkilala ang suspek nga si alyas “Amay” 56-anyos,may asawa, pintor kag residente sang Manzano Subdivision, Zone 3, Brgy Libertad, Surallah, South Cotabato.

Nadakpan ang suspek sandig sa warrant of arrest nga ginserbe sang mga tiawo sang Surallah MPS sa kaso nga Frustrated Murder nga may rekomendado nga piyansa nga nagabalor sang Php200,000.

Sa karon, nagapadayon ang kapulisan sa pagpatigayon sang mga operasyon batuk sa mga wanted person agud nga mapasabat sa laye.