Yara na sa kustodiya sang kapulisan ang isa ka ginakabig nga regional most wanted sa ginpatigayon nga manhunt operation sang mga otoridad sa Barangay Chua, Bagumbayan, Sultan Kudarat.
Ginkilala ni Police Major Arnel Legada, hepe sang Bagumbayan Municipal Police Station ang wanted nga si alyas “Nando”, 48 anyos, may asawa, kag residente sang nasambit nga lugar.
Ginpatigayo ang pag-aresto sang gintingob nga pwersa sang Bagumbayan MPS, SKPIU kag SKPDEU paagi sa warrant of arrest para sa kaso nga RA 10591 ukon Comprehensive Firearms and Ammunition Regulation Act kag kaso nga may kahilabtanan sa illegal nga droga.
Samtanga, ginpasiguro man sang Bagumbayan PNP nga padayon ang ila nga pagpatigayon sang operasyon batuk sa mga tawo nga may salabton sa laye.
